Kryeministri Edi Rama, pas fitimit të zgjedhjeve parlamentare ka marrë një vendim të rëndësishëm, pasi ka shkarkuar nga detyra zv/ministrin e Mbrojtjes, Idlir Peçin.
Mësohet se vendimi është marrë në datën 3 korrik në mbledhjen e radhës së Këshillit të Ministrave.
“Me propozimin e Kryeministrit, Këshilli i Ministrave vendosi: Z. Idlir Peçi, zëvendësministër i Mbrojtjes, lirohet nga kjo detyrë. Ky vendim hyn në fuqi menjëherë”, thuhet në vendim.
Vendimi për shkarkimin e Peçit:
VENDIM Nr. 481, datë 3.7.2017
PËR LIRIM NGA DETYRA
Në mbështetje të nenit 100 të Kushtetutës dhe të pikës 2 të nenit 6 të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
VENDOSI: Z. Idlir Peçi, zëvendësministër i Mbrojtjes, lirohet nga kjo detyrë. Ky vendim hyn në fuqi menjëherë.
KRYEMINISTRI Edi Rama
