Trajneri i portierëve tek klubi i Partizanit, Mario Capece ka kërkuar shkëputjen e kontratës pas 20 muajsh, për arsye personale. Klubi dhe pjesëtar i stafit teknik kanë gjetur gjuhën e përbashkët dhe kanë shkëputur bashkëpunimin.
Njoftimi i Partizanit
“Klubi njofton se nga sot pjesëtari i stafit teknik Mario Capece nuk do të jetë më pjesë e skuadrës. Për arsyet personale Capece në detyrën Trajner i Portierëve ka kërkuar ndërprerjen me konsensus të bashkëpunimit me 15-të herë kampionët e vendit. Klubi falënderon Mario Capecen për kontributin që ka dhënë në skuadër përgjatë 20 muajve si pjesë e Partizanit, duke i uruar suksese të mëtejshme në karrierë.”
