Drejtuesi i grupit parlamentar të Lëvizjes Vetëvendosje, Glauk Konjufca në emër të deputetëve nënshkrues dorëzoi në Gjykatën Kushtetuese Kërkesën për “Vlerësimin e kushtetutshmërisë së Projektligjit nr.06/L-060 për Ratifikimin e Marrëveshjes për Ratifikimin për Kufirin Shtetëror në mes të Republikës së Kosovës dhe Malit të Zi”.
Pas dorëzimit në Gjykatë Kushtetuese, Konjufca tha se presim nga Gjykata Kushtetuese një trajtim të paanshëm, pa ndikime, profesional dhe në mbrojtje të kushtetueshmërisë rrjedhimisht dhe të moscenimit territorial të Republikës së Kosovës.
“Shkelja më e rëndë ka të bëjë me sovranitetin dhe integritetin territorial të Republikës së Kosovës, është neni 2 i Kushtetutës së Kosovës, paragrafi 2, i cili thotë që integriteti territorial i Republikës së Kosovës është i pacenueshëm dhe është i patjetërsueshëm”, tha ai.
Shpresojmë që Gjykata Kushtetuese ta trajtojë lëndën e dorëzuar nga Lëvizja Vetëvendosje dhe sipas argumenteve dhe duke ju referuar Kushtetutës të konkudojë se me ratifikim të kësaj marrëveshje kemi pasur faktikisht shkelje të rëndë të Kushtetutës së Republikës së Kosovës.
VV shpreson se Kushtetuesja do të gjejë shkelje për Demarkacionin
Shefi i deputetëve të Vetëvendosjes Glauk Konjufca ka dorëzuar në Gjykatën Kushtetuese projektligjin për Demarkacionin.
Konjufca tha se deputetët e kanë shkelur këtë vendim që është antikushtetues dhe që është delimitim në vend të demarkimit.
Sipas tij gjyqësori është i kapur dhe Gjykata Kushtetuese nuk bën përjashtim nga gjendja e përgjithshme, por se sipas tij si deputetë duan që vazhdimisht t’i përmirësojnë institucionet e vendit. “Ne shpresojmë se ashtu sikurse ka marrë vendim Gjykata Kushtetuese për ‘Zajednicën’, shpresojmë që edhe për demarkacionin të gjejë ato shkelje“, tha Konjufca.
