Akademiku Artan Fuga, në një lidhje direket për emisionin “Kafein”, ka komentuar sërish protestën e studentëve.
Ndërsa ka shpërndarë në “Facebook” videon gjatë fjalës së tij në emision, Fuga shkruan:
Ministria e Arsimit nuk ka përse pret që studentët të paraqesin kërkesat e tyre me anë të një delegacioni, kjo është një gjë, kurse nga ana tjetër nëse mendon se vërtet studentët kanë të drejtë, atëherë të nisi marrjen e masave rrënjësore për të dalë nga kjo krizë e arsimit të lartë.
Unë sot shoh urgjente që :
- Të shkarkohen të gjithë antarët e bordeve të administrimit të universiteteve. Duke i pezulluar ato borde derisa të ndryshohet mekanizmi i menaxhimit të universiteteve.
2. Të pranohet abrogimi ose nevoja për amendime shumë të thella të ligjit për arsimin e lartë.
3. Të krijohet një këshill emergjence me aprovimin e studentëve për të realizuar të gjitha ndryshimet rrënjësore në modelin e universiteteve shqiptare.
4. Pagesat me këste derisa të vendosen tarifat e reja që të jenë të drejta dhe jo grabitqare!
