Komisioneri Evropian për punë të Brendshme, Dimitris Avramopulos ka deklaruar se nëse Schengen vdes, të njëjtin fat do të ketë edhe Evropa:
“Ne ndajmë shqetësimet e disa vendeve anëtare për sigurinë, por Schengen është i gjallë dhe duhet të mbetet i gjallë, sepse nëse Schengen ‘vdes’, edhe Evropa do të ‘vdesë’”, tha Avramopulos, pas një takimi të ministrave të BE-së në Luksemburg.
KE ka pranuar të ndryshojë rregulloret e Schengen, pas pozicionimit pro të disa vendeve si Franca dhe Gjermania për ndryshimin e rregullave të “vjetruara” të Shengenit që ato i konsiderojnë të vjetruara, duke pasur parasysh kërcënimin e vazhdueshëm terrorist.
