Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me magnitudë 4.1 ballë u regjistrua në qytetin e Lezhës.
Thellësia e lëkundjeve sizmike ishte e cekët, 5 km, dhe kjo ka bërë që të ndihet shumë nga banorët e zonës, të cilët sipas informacioneve paraprake, kanë dalë të frikësuar nga banesat e tyre.
Fatmirësisht, nuk raportohen lëndime në njerëz, apo dëme materiale.
