Dy shtetas, 26 dhe 29-vjeç janë vënë në pranga, pasi kanë tentuar për të kaluar mallra kontrabandë. Nga Specialistët e Seksionit për kontrollin e territorit në Komisariatin e Policisë Rinas, u bë arrestimi në flagrancë i shtetasve Gerald Keta, 26-vjeç dhe Geron Hoxha, 29-vjeç, (me detyrë doganier në doganën Rinas), të dy banues në Tiranë.
Gerald Keta, në doganën Rinas ka tentuar që të kalonte mallra kontrabandë (veshje) në mënyrë të kundraligjshme, ndërsa shtetasi Geron Hoxha (me detyrë doganier në Rinas), ka shpërdoruar detyrën, duke lejuar që të kalonte mallrat kontrabandë.
Materialet iu referuan Prokurorisë së Rrethit Gjyqësorë Tiranë, për veprën penale “Kontrabandë me mallra të tjerë”, parashikuar nga neni 174/1 i Kodit Penal, në ngarkim të shtetasit G. K., dhe për veprën penale “Shpërdorim detyre”, parashikuar nga neni 248 i Kodit Penal, në ngarkim të shtetasit G. H.
