Ambasada Amerikane ka kërkuar vëmendjen e të gjithë shqiptarëve, për puntatën e nesërme të emisionit “31 Minuta” në RTSH, ku do të japë mesazhe të qarta.
Me anë të një njoftimi në Facebook, Ambasada zbulon edhe cilat janë temat të cilat do të trajtohen.
Koncesionet, lejet e ndërtimit dhe ligji i bilbilfryrësve janë tre temat të cilat do të diskutohen në emisionin që transmetohet në TVSH, “31 minuta”.
“Koncesionet, lejet e ndërtimit dhe ligji i bilbilfryrësve janë tre temat në qendër të serisë së 31 Minuta që do të transmetohet nesër.
Programi 31 Minuta prodhohet nga RTSH Radio Televizioni Shqiptar dhe Qendra Shqiptare për Gazetari Cilësore, me mbështetjen e Ambasadës së SHBA, Ambasadës Hollandeze dhe Ambasadës Zviceriane. Ndiqeni nesër, ora 20:35, në RTSH”, citon Ambasada Amerikane në faqen e saj zyrtare.
