Gjatë ditëve të fundit është përfolur në media për gra të njohura publikisht, të cilat kërkojnë që të legjitimohet poligamia, dhe që bashkëshortët e tyre të jenë të lirë të kenë sa gra të duan, për aq kohë sa mund t’i trajtojnë të gjitha njësoj.
Legjitimimi i martesës me shumë gra në Shqipëri, shkaktoi një valë të gjerë reagimi në media e rrjetet sociale. Kjo temë e cila dukej se ishte lënë së shkuarës, mori një tjetër trajtë shumë të zëshme.
Fillimisht ishte avokatja Migena Balla, njëherësh praktikante e besimit islam, e cila tha se poligamia duhet legjitimuar për shkak të ekzistencës së saj “de facto”. Madje ajo shkonte më tej në arsyetimin e saj, se askush nuk ka guxim ti tregojë hapur në shoqërinë shqiptare lidhjet jashtëmartesore apo dhe martesat me më shumë se një grua. Jo vetëm ky rast shkaktoi revoltë.
Teologia e fesë islame, Ikballe Huduti, deklaroi se islami i lejon martesat me shumë gra, dhe se burrit të saj i kishte bërë “dhuratë” gratë e tjera, pasi donte ti fokusoheshe fesë. Madje ka insistuar që bashkëshorti i saj të mos kishte asnjë mungesë, duke i ofruar kandidatura për martesë të përkohshme.
Marrë shkas nga kjo temë, Imami Ahmed Kalaja i vendos pikat mbi “I”, duke dalë kundra këtyre kërkesave. Që në krye të shkrimit, saktëson se kjo gjë nuk është në fe dhe në traditë. Imami Ahmed Kalaja shprehet se “martesa me kontratë” është haram, është jo islame duke të çuar drejt imoralitetit. Por edhe në aspektin ligjor, janë në shkelje të plotë të ligjit. Për rrjedhojë, sipas tij, këto martesa sipas tekave të individëve janë jashtë islamit.
Postimi
Ata nuk janë ne, as në fe as në traditë!
Martesa e përkohshme-Mutah, kundrejt pagesës.
‘Martesa me kontratë’ Mutah është haram në fenë që Zoti i shpalli Muhamedit a.s siç transmetohet nga Halifi i katërt Aliu r.d.
Haram njësoj si mishi derrit, alkoli, kamata.
Kjo lloj “martese” është jo Islame edhe rrugë drejt zinasë ( imoraliteti ) , ose një lloj zinaje e institucionalizuar.
Kjo lloj “martese” është bërë simbolistikë dalluese e tyre si edhe ndalimi i saj veçori dalluese e jona Ehli Sunet ose Sunijtë siç thuhet.
Më interesantja është se ai që e transmetoi ndalesën ishte vetë Aliu r.d. Nga këtu kuptojmë se kush e nderon dhe e kush e përdor figurën e tij.
Feja është ajo që kemi e ajo që na është trashëguar brez pas brezi.
Çdo prurje e jashtme analizohet është brënda Islamit tonë e pranojme eshtë jashtë Islamit tonë e refuzojmë, dhe ju themi propaganduesve të saj, prurësve të të resë:
“E mbajtshi ju vetë me shëndet se nuk është feja e Profetit Muhamed”.
Ftesë edhe Thirrje Mediumeve Mediatike;
Nëse dëshironi mbi Islamin referohuni në Istitucione edhe jo në Haliçunacione.
Mos më për klikime me fenë se nuk dihet se kush ndikohet prej frymave të huaja ndoshta edhe familjet tuaja.
Faleminderit shumë!
