Brazili pretendent për tu shpallur kampion në këtë Botëror do të zbresë në fushë në ndeshjen e parë përballë Zvicrës së Shqiptarëve. Legjenda Pele ka paralajmëruar se djemtë e Tites duhet të kenë shumë kujdes në këtë sfidë nga Xherdan Shaqiri, pasi ai mund të krijojë shumë probleme.
Kjo parashihet si një nga ndeshjet e para më të mira të të gjitha grupeve dhe është vlefshme për Grupin E. Kombëtarja Selecao shihet si favorit në këtë ndeshje, por as helvetikët nuk hynë në këtë takim pa objektiva. Legjenda braziliane, Pele, e ka lajmëruar kombin e tij për rrezikuan që mund t’i vijë nga ylli shqiptar, Shaqiri.
“Sot vendi im nis udhëtimin në Kupën e Botës kundër Zvicrës. Shaqiri është i rrezikshëm, por skuadra e Brazilit është e fortë dhe e balancuar. Çfarë rezultati parashikoni ju?”, ka shkruar Pele në profilin e tij në Instagram.
