Sulmuesit anësor shqiptar Eros Grezda është shumë pranë kalimit tek gjigantët e Ranges nga Osijek për një vlerë 2.5 milionë euro. Këtë e ka konfirmuar edhe Steven Gerrard.
Rangers janë shumë pranë blerjes 2.5 mln euro të sulmuesit anësor shqiptar Eros Grezda nga Osijek, këtë e ka konfirmuar Steven Gerrard. “Ai është një lojtar i shkëlqyer dhe tifozët do ta duan pasi ai mund të kontribuojë në fazën sulmuese,” shprehet Gerrard. “Ai është shumë i shpejtë, shumë direkt dhe ka eksperiencë ndërkombëtare. Gjithçka po ecën mirë dhe shpresoj që ai të japë një kontribut të madh te ne.”
23 vjeçari sot ka qenë prezent në Skoci ku ka kryer edhe vizitat mjekësore dhe pritet që shumë shpejt të bashkohet me ish-shokun e skuadrës, Borna Barisic. Kanë qenë pikërisht dy futbollistët Barisic dhe Katic që ia kanë sugjeruar Grezdën drejtuesve, pasi kur janë përballur me të kanë parë që ai ishte më i miri i Osijek sezonin e kaluar.
Momentalisht janë duke u diskutuar detajet e fundit të këtij transferimi, pasi Osijek kërkon të mbajë edhe 20% të kartonit të sulmuesit, por Rangers nuk është aspak dakord.
