Deputeti i ri i dalë nga listat vijuese zgjedhore pasi opozita dogji mandatet, Lefter Maliqi, i është kundërvënë gazetares Sonila Meço, sipas të cilit ka dezinformuar duke thënë se nuk dihet se çfarë arsimimi ka kryer. Duke e dëshmuar përmes fotove, ai rendit të gjitha detyrat dhe postet që ka mbajtur deri më tani.
Por në morinë e dokumenteve, ka diçka që nuk shkon. Në diplomat e Maliqit, deputeti rezulton me dy atësi të ndryshme. Në njërën ai prezantohet si Lefter Novruz Maliqi dhe në një tjetër më të hershme, Lefter Faik Maliqi.
