Dy ditë më parë, ish-deputeti socialist Alqi Bllako u kthye përsëri në qeli. Gjykata e Posaçme e Apelit pranoi kërkesën e SPAK dhe vendosi ta rikthejë në qeli politikanin e akuzuar për aferën e inceneratorëve.
Mësohet se Bllako është dërguar në qelitë e Durrësit, atje ku ndodhet dhe ish-ministri Lefter Koka. Ky i fundit është arrestuar dhe akuzohet për të njëjtën aferë, atë të inceneratorëve.
Po sot, togat e zeza kanë marrë në dorëzim akt-ekspertimin e gjendjes shëndetësore të Lefter Kokës, pasi avokatët e tij pretendojnë se ish-ministri ka probleme shëndetësore.
Seanca e radhës është caktuar të mbahet të premten e ardhshme, ku do të vendoset edhe në lidhje me kërkesën e bërë nga mbrojtja e ish-ministrit. Lefter Koka kërkon ndryshimin e masës së sigurisë, nga “Arrest në burg” në një masë më të butë.
E ndërsa kërkesa për lirinë është në pritje, ish-ministrit i kanë çuar në qeli ish-deputetin e Partisë Socialiste, Alqi Bllako.
Pas vendimit për ta rikthyer në qeli, Bllako u dërgua në paraburgimin e Durrësit dhe është në të njëjtën qeli me Lefter Kokën.
