Lidhja Demokratike e Kosovës është e bindur se qeveria Haradinaj i ka ditët e numëruara dhe se do të bjerë shumë shpejt.
Këtë deklaratë e bëri kreu i grupit parlamentar të LDK-së, Avdullah Hoti, i cili tha se qeveria Haradinaj do të rrëzohet vetë, madje shtoi se kjo do të shihet pas festave të fundvitit.
Që në fillim të qeverisë Haradinaj, partia e Isa Mustafës ka thënë se do të presë 100-ditëshin e parë dhe më pas do të iniciojë mocion mosbesimi për ta rrëzuar atë.
Hoti tha ndër të tjera se qeveria Haradinaj nuk do të mund t’i kryejë punët e mëdha për të cilat është proklamuar, por mund t’i realizojë ato vetëm me LDK-në në qeveri.
Po ashtu, në konferencë Hoti prezantoi edhe një nismë legjislative, me të cilin synohet plotësim ndryshimi i dy ligjeve që kanë të bëjnë me reformën për lehtësimin e të bërit biznes.
Kreu i grupit parlamentar të LDK-së doli në konferencë deputetët Hykmete Bajrami dhe Driton Selmanaj.
