Ministri i Jashtëm i Rusisë, Sergej Lavrov ka qenë i drejtpërdrejtë në qëndrimin e tij ndaj deklaratës së kryeministrit të Shqipërisë, Edi Rama në Parlamentin e Kosovës.
Kreu i diplomacisë ruse, i cili ndodhet për vizitë në Beograd, kritikoi Bashkimin Europian për pasivitet ndaj këtyre deklaratave, të cilat shfaqin qartë ambicien e Tiranës për Shqipërinë e Madhe.
“BE duhet të marrë hapa shtesë për të justifikuar besimin që i është dhënë si ndërmjetësues i dialogut. BE po tregohet pasive me ‘Shqipërinë e madhe”, deklaroi ministri i Jashtëm i Rusisë, Sergej Lavrov, në konferencën për shtyp, pas takimit me presidentin serb Vuçiç.
Sakaq, ai tha se “nëse SHBA do të përfshihet në dialogun mes Prishtinës dhe Beogradit, Rusia nuk do të qëndrojë mënjanë”.
