Lautaro Martinez po bëhet gjithnjë e më i rëndësishëm për Interin. Antonio Konte e shndërroi në një sulmues të plotë: vdekjeprurës para portës por gjithashtu i përkushtuar deri në sakrificë për të ndihmuar ekipin. ‘Toro’ e ndjen fanellën e bluzinjve dhe ka vendosur të vazhdojë aventurën në Itali pavarësisht presionit insistues të Barcelonës.
Kontrata e re
Interi është shumë i lumtur me Lautaron dhe këtë gjë ua ka shprehur agjentëve të tij në më shumë se një rast. Ekziston dhe dëshira për ta shpërblyer argjentinasin me një rritje page. Jemi afër një marrëveshjeje për ta zgjatur bashkëpunimin deri në vitin 2024 me mbi 4.5 milion neto në sezon plus bonuse. Një rritje domethënëse krahasuar me 3 milionët që merr aktualisht .
Klauzola ANTI-JUVE
Çështja e fundit që mbetet për diskutim është ajo që lidhet me klauzolën prej 111 milion eurosh. Klubi “nerazzurr” dëshiron ta modifikojë klauzolën (duke ruajtur vlefshmërinë e saj vetëm për blerësit jashtë Italisë) ose ta heqë fare. Por nuk ka dyshim për të ardhmen e Lautaros: ai do të mbetet me Interin sepse rinovimi është vetëm çështje kohe.
