Mirel Josa nuk do të drejtojë më Tiranën. Lajmi që qarkullon prej kohësh është zyrtarizuar sot, pas një bashkëbisedimi mes presidentit Refik Halili dhe teknikut që drejtoi bardheblutë në sezonin që u mbyll me një rënie historike të Tiranës nga kategoria.
Mësohet se palët janë ndarë miqësisht dhe nuk do të ketë pretendime për detyrime financiare, duke ndërprerë me marrëveshje marrëdhënien kontraktuale mes tyre që zgjatej edhe në sezonin e ardhshëm.
Tirana do të nisë sot pasdite stërvitjet për pjesëmarrjen në Ligën e Europës pa trajnerin Josa, me ekipin që do t’i besohet dyshes Egbo-Gvozdenoviç, shkruan Panorama.
Dyshja Egbo-Gvozdenoviç mendohet se do të ketë drejtimin e skuadrës si fillim për Ligën e Europës dhe nëse bindin, mund të vazhdojnë në stol edhe për sezonin e ardhshëm.
