Largohet nga Interi, Icardi kishte parashikuar lamtumirën

Të hënë Mauro Icardi me anë të një statusi ka ngrirë zemrat e të gjithë tifozëve zikaltër. Ai ka postuar edhe një foto në Instagram, ku flet pikërisht për një lamtumirë të mundshme. “Të thuash lamtumirë do të thotë të rritesh” – shkruan argjentinasi në foton e postuar.

Por Gazzetta.it sqaron: Postimi i Icardit duhet të jetë për Brozovic edhe për shkak të ’emoji-t’ të vendosur në postim. Nga ana e shoqërisë Zikaltër mohohet çdo gjë në lidhje me një largim të kapitenit dhe ndër të tjera shton se për të është gati një kontratë e re deri më 2023-shin dhe me një klauzolë mbi 200 milion €.

Kur kanë mbetur edhe pak më shumë se 24 orë deri në fund të afatit kalimtar, mesfushori Marcelo Brozovic ka vendosur të largohet nga Inter. Sipas SKy Sport, kroati është shumë pranë kalimit në Sevilla, ku po kërkohet nga trajneri Vincenzo Montella. Inter është pajtuar që të huazojë Brozovicin për 1 milionë euro me të drejtë blerje për 28 milionë euro të tjera. Lojtari tashmë gjendet në Melia bashkë me agjentin e tij, ku janë duke biseduar me Sevillan rreth pagës.