Në Kategorinë e Parë ishte më i miri dhe adhuroheshe nga tifozët, ndërsa pasi Tirana u ngjit në Superiore gjërat nuk shkuan si duhet dhe rezultatet ishin të dobëta. Tashmë Ze Maria e ka mbyllur me Tiranën dhe nuk do të ketë më trajnerë të huaj në kampionatin shqiptar. Vendin e brazilianit duket se do ta marrë një shqiptar që është shumë i lidhur me bardheblutë.
Pas humbjes në derbi u përfol shumë që Ze Maria do të largohej dhe emri i parë që mund ta zëvendësonte ishte Ardian Mema. Aktualisht, ish-futbollisti i Tiranës, mban postin e zëvendës trajnerit te Flamurtari, ndihmës i Ilir Dajës, por me shumë mundësi ai do të lirohet nga kjo detyrë, për të vazhduan si trajner i parë i Tiranës.
Ardian Mema e ka kaluar të gjithë karrierën e tij tek klubi i Tiranës. Nga vitet 1989 deri në vitin 2003. Më pas, ai ka mbajtur poste drejtuese në klubin 24-herë kampion të Shqipërisë, ndërsa ka drejtuar edhe të rinjtë dhe ekipin B të Tiranës.
Në fakt, largimi i trajnerit brazilian është bërë thuajse “zyrtar”, pais numri një i stolit së bashku me stafin e tij nuk e stërvitën ekipin në seancën e së enjtes. Emri që pritet të zëvendësojë Ze Marian është zëvendëstrajneri i Flamurtarit, Ardi Mema. Telesport ka kontaktuar me këtë të fundit duke i marrë sqarimin e tij në lidhje me çështjen.
“Të them të drejtën unë po shkoj për stërvitje tani. Ende nuk ka diçka zyrtare apo konkrete mes mejet dhe klubit të Tiranës. Duhet të pyesni më mirë presidentin Refik Halili. Më kanë marrë shumë persona në lidhje me këtë çështje, por nuk ka asgjë zyrtare për momentin”, – tregon ai për Telesport.
