Pas fjalës në tryezën për Reformën Zgjedhore, përfaqësuesi i Partisë Demokratike, Ivi Kaso, është larguar nga tryeza e thirrur nga OSBE-ja. Po ashtu, bashkë me të, u largua edhe përfaqësuesi i Partisë Republikane, Arjan Madhi.
Në fjalën e mbajtur gjatë konferencës, Ivi Kaso shprehu angazhimin e koalicionit opozitar për mbështetjen e realizimit të kësaj reforme.
OSBE ftoi në tryezë të gjitha partitë politike, Komisionin Qendror të Zgjedhjeve dhe Komisionin e Venecias.
Reforma Zgjedhore është prioriteti kryesor i ndërkombëtarëve aktualisht në Shqipëri, pas miratimit të reformës në drejtësi. Ndërkohë që pikërisht kjo reformë, ishte edhe një nga nëntë kushtet e vendosura nga Gjermania që dha dje ‘ok’ për hapjen e negociatave.
