Kryetarja e LSI-së, Monika Kryemadhi krahas urimeve që ka për shqiptarët për ditën e Sulltan Novruzit, ka zgjedhur të komentojë edhe largimet e këshilltarëve të saj bashkiakë në disa bashki të vendit. Duke mos dashur të merret me lajme të vjetra, siç i cilëson edhe vetë zonja Kryemadhi, ajo është shprehur se çdo anëtar i LSI është i lirë për të shkuar kudo që që dëshiron.
Deklarata
“Sot është ditë paqe, nuk është ditë as për të cilësuar apo për tu marrë me lajme të vjetra. Dua tu them dhe diçka tjetër, anëtarët e LSI janë të lirë për të qenë kudo që janë po di të them që realitetin ku ne jetojmë nuk e ndryshojnë as këshilltarët dhe as deputetët. E rëndësishme është që të ndryshojmë e tu japim shqiptarëve më shumë punë, më shumë mirëqenie dhe më shumë begati”, tha znj. Kryemadhi.
Ajo ka uruar besimtarët bektashianë dhe shqiptarët për ditën e Sulltan Novruzit. “Drita e Zotit u ndriçoftë rrugën të gjithë shqiptarëve, dhe të reflektojë klasën politike për t’i dhënë dritë, begati, paqe dhe më shumë forcë shqiptarëve”, tha ajo. TIRANA TODAY
