Deportimi i 6 shteteve turq nga Kosova duket se ka sjellë një tjetër mosmarrëveshje në Kosovë.
Opozita ka kërkuar komision hetimor për depërtimin e 6 shatetsve turq nga Turqia.
Kjo çështje në fakt ka bërë bashkë, Lidhjen Demokratike të Kosovës, Vetëvendosjen dhe grupin i deputetëve të pavarur të ndarë prej saj ,madje ata kanë kërkuar dhe një seancë të jashtëzakonshme për incidentin më të rëndë të ndodhur në Kosovën e pasluftës.
Grupi Parlamentar i Lidhjes Demokratike të Kosovës me mbështetjen e Grupit Parlamentar të Vetëvendosjes dhe Grupit të Deputetëve të Pavarur, kanë nisur me këtë pikësynim procedurat e thirrjes së një seance të jashtëzakonshme të Kuvendit.
Ajo është kërkuar të mbahet të martën nën argumentin e “shkeljes se Kushtetutës dhe Ligjeve të Kosovës”. “Rezultat i kësaj seance, -tha për Radio Evropa e Lirë deputeti i Alternatives, Ilir Deda,- duhet të jetë pajtimi i të gjitha partive politike që të krijohet një Komisioni hetimor parlamentar, i cili të identifikojë shkelësit në rrugë institucionale.
Nisma Socialdemokrate kërkon hetim parlamentar mbi çështjen e bujshme pasi sipas saj “transparenca e plotë dhe përgjegjësia e të gjithë njerëzve të përfshirë në këtë veprim është minimumi i asaj që duhet të kryhet urgjentisht”.
