Shtëpia e Bardhë ka ngatërruar në një shkresë zyrtare Kinën me Tajvanin, një çështje mjaft e ndjeshme kjo për Pekinin.
Gjatë samitit të G20-ës në Hamburg, presidenti amerikan Donald Trump bisedoi me presidentin kinez, Xi Jinping.
Shtëpia e Bardhë publikoi deklaratat që Trump kishte bërë gjatë takimit me presidentin kinez, por dokumenti që iu dërgua gazetarëve i referohej Xi Jinping-ut si president i “Republikës së Kinës”, që i referohet Tajvanit, ndërkohë që Kina njihet zyrtarisht si “Republika Popullore e Kinës”.
Pekini e konsideron Tajvanin, që ka patur qeveri të ndarë që kur nacionalistët kinezë u larguan atje në 1949 pasi humbën luftën civile me komunistët, një provincë rebele.
Politika e “Një Kine të vetme” kërkon mënjanimin e njohjes zyrtare diplomatike të Tajvanit.
Pas takimit me Trump, presidenti kinez kërkoi bashkëpunim me amerikanët, ndërkohë që javën e kaluar deklaroi se “marrëdhëniet mes dy vendeve janë prekur nga faktorë negativë”.
