Zëvendësministrja e Arsimit, Lorena Haxhiu ka bërë sot një lapsus teksa ka dashur të japë një mesazh të rëndësishëm sot në ditën e 1 Majit, gjatë prezantimit të panairit të ‘Punës dhe Studimit’.
Haxhiu u është drejtuar të rinjve, të cilëve ka dashur t’u thotë se përse është e rëndësishme puna.
Por, gjatë fjalës së saj, ajo është ngatërruar duke e tjetërsuar shprehjen e urtë popullore.
“Është e rëndësishme t’ia nisni me punë sepse atë që ju do të korrni, do të mbillni në të ardhmen! Faleminderit”, -ka thënë ish-moderatorja televizive.
Pavarësisht ngatërresës, mesazhi ka qenë gjithsesi i qartë për të rinjtë. Lorena Haxhiu është emëruar në Ministrinë e Arsimit, si zëvendësuese e ministres aktuale, Besa Shahini.
