Një ngjarje e rëndë është regjistruar në SHBA, ku një vajzë 13-vjeçare me aftësi të kufizuara ka mbetur e vdekur, pasi është lënë në makinë, për 5 orë, në mes të diellit.
Rasti është shënuar në Colleton Country, në Karolinën e Jugut, teksa për vdekjen e saj janë dënuar, nëna e vajzës 49 vjeç, Rita Pangalangan, dhe i dashuri i saj Larry King, 41 vjeç.
Ngjarja është regjistruar nga kamerat e sigurisë, teksa 49-vjeçarja, mësuese dhe 41-vjeçari e kanë braktisur Cristinën e vogël, në orën 11:00, pasi kanë parkuar veturën përpara shtëpisë së tyre, në 5 gusht.
Sipas asaj që raportojnë hetuesit, ata e kanë kontrolluar vajzën dy herë nëse ajo ishte mirë. Herën e parë në 12:15, një orë pasi e kishin lënë brenda në makinë dhe herën e dytë vetëm 3 orë më pas.
Ka qenë në atë moment që ata kanë zbuluar, që makina ishte e mbyllur nga jashtë dhe kanë vendosur të largohen edhe për një orë tjetër, për ‘të shkuar të merrnin çelësat rezervë’.
Të dy janë kthyer rreth orës 16:15, kanë hapur makinën, kanë marrë vogëlushen dhe pasi nuk kanë ndjerë të merrte frymë kanë njoftuar 911. Pasi ka mbërritur ambulanca mjekët nuk kanë mundur të bëjnë asgjë, sepse Cristina kishte vdekur.
Temperatura vdekjeprurëse
Në një orë, në makinën pa ajër të kondicionuar temperatura ka arritur rreth 40-45 gradë, në orën e vdekjes së vajzës ka shkuar nga 88-91 gradë, kanë raportuar hetuesit. Temperatura shumë të larta që kanë qenë fatale. Të mërkurën, pas rezultateve të autopsisë, Pangalangan dhe King janë arrestuar me akuzën e vrasjes.
