Sot në mesditë, në orën 14:00, familja dhe të afërmit kanw përcjelle për në banesën e fundit, djalin e vetëm të familjes Beqiraj. Babai i Florenc Beqirajt, Gëzim Beqiraj, shoqëroi nga Franca deri në Shkodër trupin e djalit të tij.
Në momentet e fundit, ai iu gjend pranë në spitalin e Marsejës, ndërsa ndodhej në gjendje të thellë kome, por zemra e tij vazhdonte të funksiononte ende. Gëzim Beqiraj kërkon drejtësi, ndërsa shprehet se në trupin e të birit ka vërejtur shenja dhune.
Me dhimbjesh dhe lotëve, familjarët dhe të afërmit e tij, qytetarë të Shkodrës, iu bashkuan kortezhit për në varreze, ndërsa nuk mungonin as pankartat: “Duam drejtësi për djalin tonë”. 23-vjeçari humbi jetën në 23 dhjetor në një spital në Marsejë, ku ishte prej disa ditësh në koma, pasi në rrethana ende të paqarta mbeti pa ndenja gjatë kohës që ishte në burg. Pavarësisht se autoritetet franceze pretendojnë se i riu tentoi të vrasë veten, familjarët e tij hedhin poshtë këtë version, ndërsa akuzojnë se ai është tentuar të mbytet në burg. Shkaqet e vdekjes së shqiptarit pritet të zbardhen me kryerjen e autopsisë, ndërsa vdekja e tij ka indinjuar qytetarët në Shqipëri të cilët kanë zhvilluar edhe protesta.
