Chelsea ka pësuar një humbje drastike në “Stamford Bridge” në derbin e Londrës me Tottenham, duke i bërë akoma më të vështirë misionin Champions. Pas këtij rezultati Chelsea ndodhet 8 pikë pas skuadrës së Pochettinos dhe vendit të katërt. Alvaro Morata ishte i pari që gjeti rrugën e rrjetës në minutën e 30’, blutë e Contes nuk arritën ta mbronin rezultatin dhe gjithcka u barazua në pjesën e parë.
Cristian Eriksen me një goditje të jashtëzakonshme nga distanca, gjunjëzoi në fund të pjesës së parë portierin Caballero, që vetëm e shoqëroi topin me sy, ndërsa tundi rrjetën.
Në pjesën e dytë e rrëmbeu skenën Dele Alli me një dygolësh, në të parin i asistuar që nga mesfusha nga Eric Dier, ndërsa në golin e 1-3 përfitoi nga një top i mbetur në zonë, pas një aksioni të gjatë nga krahu i djathtë i sulmit.
Fitore e pastër 3-0 e Arsenalit në “Emirates” ndaj Stoke City-t, me të gjitha golat e sfidës që u shënuan në 15 minutat e fundit. Pierre-Emerick Aubameyang zhbllokoi në të 75-ën me 11-metërsh, ndërsa 4 minuta para përfundimit të kohës së rregullt sigloi të dytin personal. Pak çaste më vonë Lacazette fitoi një tjetër penallti që e shndërroi po vetë në gol.
