Një person është vrarë me armë zjarri në Elbasan mbrëmjen e sotme. Ngjarja ka ndodhur rreth orës 19:15 minuta. Viktima dyshohet se është me profesion avokat, Ravik Gurra.
Nga të dhënat paraprake Gurra njihet si një avokat i mirënjohur që ka mbrojtur çështjet më të bujshme në Elbasan dhe në Shqipëri. Ai njihet edhe si mik i afërt i familjes Çapja, po ashtu ishte edhe avokat i Emiliano Shullazit.
Avokati ka qenë i ulur në një kafe në qendër të qytetit, në katin e parë në pjesën e verandës. Gurra ka ndërruar jetë menjëherë nga të shtënat e arës së zjarrit. Personi që e ka qëlluar sipas policisë ka qenë i maskuar. Në daljet e qytetit të Elbasanit janë ngritur postblloqe të shumta për të arrestuar autorin e ngjarjes.
Forca të shumta policie kanë mbërritur në vendngjarje dhe kanë nisur hetimet.
Informacion paraprak:
Rreth orës 19:35, në një lokal në Elbasan, nga persona ende të paidentifikuar është vrarë me armë zjarri shtetasi R.G., 50 vjeç, banues në Elbasan.
Shērbimet e Policisë kanē ngritur pika kontrolli në të gjitha rrugët në hyrje e dalje si dhe po krehin zonēn ku dyshohet se janë larguar autorët.
Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes.
Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes.
