Sot, Zëvendësministri i Financave, Elton Haxhi është dorëhequr nga detyra. Ky është dorëheqja e dytë e zyrtarëve të lartë në ministrinë e Financave. Rreth një muaj më parë, u tërhoq një tjetër zëvendës ministër, Erjon Luçi .
Haxhi është kontaktuar nga BW mbi motivet e dorëheqjes së tij. Megjithëse shumë ambige si përgjigje, ai ka thënë: Nuk mund të vijoja të qëndroja më në atë detyrë.
Elton Haxhi u emërua në tetor 2017 Zëvendësministër i Financave dhe Ekonomisë, përgjegjës për sektorin e të ardhurave fiskale, kontabilitetin, auditimin, kontrollin financiar, etj. Ai është gjithashtu drejtues i procesit të “screening” për hapjen e negociatave me Bashkimin Evropian për kapitujt që lidhen me tatimet, doganat, ligjin e shoqërive tregtare, kontabilitetin, auditimin dhe kontrollin financiar.
