Greqia ka shtyrë afatin e vlefshmërisë së lejeve të qëndrimit për emigrantët.
Të gjitha lejeve që u mbaronte afati i vlefshmërisë në 31 dhjetor 2020, tashmë janë të vlefshme deri më 31 mars 2021.
“Parlamenti grek miraton shtyrjen e afatit për lejet e qëndrimit të emigrantëve, shtyrje që me vendim të muajit mars ishte deri në 31 dhjetor 2020. Për shkak të pandemisë, kategoritë e lejeve të qëndrimit të emigrantëve që nuk mund të krijoheshin për shkak të pandemisë, marrin sërish shtyrje deri në 31 mars 2021.”, njofton ambasada Shqiptare në Athinë.
Drafti do të hyjë në fuqi që nga dita e hënë, me 21 dhjetor. Greqia është një ndër vendet që ka numrin më të madh të emigrantëve shqiptarë dhe ky vendim do të jetë një lehtësim i madh edhe për ta.
