Policia e Tiranës ka nisur procedimin e disa studentëve dhe aktivistëve. Mes të proceduarve është dhe avokati Altin Goxhaj, këngëtari Robert Aliaj, profesori Edmond Tupe. Nga të proceduarit janë edhe ata të forumeve të partive. Protesta e studentëve nuk është ndaluar as gjatë natës.
Pas protestës së studentëve, policia ka proceduar penalisht 25 persona.
Më datë 11.12.2018, u referuan materialet në Prokurorinë pranë Gjykatës së Shkallës Parë Tiranë, për shtetasit:
- Edmond Tupe, Robert Aliaj, Altin Goxhaj, Mirela Ruko, Klodian Leka, Estela Nazarko, Xhuljano Bregasi, Henri Fero, Liri Guci, Gentian Doci, Malbor Duka, Nehbi Bushaj, Klajdi Bello, Redi Muci, Luan Myrtaj, Erdi Bërxulli, Agron Pepaj, Migen Qiraxhi, Bledar Hysa, Adriatik Lapaj.
Dhe aktivistet politike Gaetano Doci dhe Andrea Gjini (LSI) dhe Kristina Tonal (FRPD).
Ata akuzohen se dje në orën 09:00, tek sheshi “Nënë Tereza”, në rrugën “Muhamed Gjollesha”, e më pas në rrugën e “Durrësit”, përpara Ministrisë së Arsimit, kanë protestuar në mënyrë të paligjshme, pa lejen e organeve kompetente, duke prishur rendin e qetësinë publike, penguar qarkullimin e mjeteve të transportit, duke hedhur sende të forta në oborrin e institucionit.
Policia deklaron se po punon për identifikimin e personave të tjerë, që kanë bllokuar rrugën tek sheshi “Rilindja”, pasi janë të fotografuar.
Dje, qytetarët janë solidarizuar duke sjellë ushqime dhe fruta për studentët, të cilët kanë protestuar në të ftohtë, duke mbajtur flamurin shqiptar.
Për ruajtjen e rendit dhe sigurisë para Kryeministrisë, kanë qëndruar edhe disa efektivë policie.
https://tiranatoday.com/studentet-heronj-kalojne-naten-para-kryeministrise-foto/
