Aktivisti Genc Sejko, i njohur edhe si njeriu i memeve na ka prezantuar me të birin. Sejko ka marrë pjesë mbrëmë në protestën e nëntë kombëtare të opozitës së bashkuar, ku ka marrë me vete edhe të birin.
Teksa ka ndarë me ndjekësit e tij të shumtë dy foto, Sejko ironizon propozimin e qeverisë për të ndaluar daljen jashtë shtetit në rast se tentohet të pengohet votimi më 30 qershor.
“Ky talebani është djali im. Mezi e mbajta se donte të shkaktonte dhunë. I mora edhe shishen e qumështit se donte ta hidhte në drejtim të kryeministrisë. ‘Mos bëj gabim’ i thashë ‘se do të ndalojnë daljen nga Shqipëria’”, shkruan aktivisti në Facebook.
