Një dritë jeshile vjen nga Austria, që mesa duket ka në plan për të dalë nga izolimi. Ky shtet ka gati planin e hapjes pas izolimit nga koronavirusi. Lajmin e ka dhënë kancelari Sebastian Kurz, gjatë një konference për mediat të mbajtur paraditen e sotme.
Sipas tij, Austria planifikon të rihapë dyqanet e vogla. Kjo me një kusht, që situata të vijojë të mbahet tërësisht nën kontroll.
Nëse gjithçka shkon mirë, tha ai, “në vend pas Pashkëve do të rihapen dyqanet deri 400 metra katrorë.
Nga 1 maji do hapen të gjitha dyqanet, qendra tregtare dhe parukierët. Ndërkohë që hotelet dhe restorantet do hapen gradualisht nga mesi i majit. E gjithë kjo me masa sigurie”.
