Ditën e djeshme është raportuar se reperja Loredana Zefi së bashku me vëllain e saj e kanë mashtruar dhe kërcënuar një çift zviceran, shkruan lajmi.net.
Petra dhe Hans pretendojnë se Loredana ua mori 700,000 franga, kurse vëllai i saj, Berati 200,000 franga, që në total kapin shifrën prej 900.000 franga.
Ky çift kanë deklaruar se kanë humbur gjithçka që kishin, madje Petra tha se ishte gati të kryente vetëvrasje.
Por duket se ky nuk ka qenë rasti i vetëm pasi i njëjti medium, ai “20 minuten” ka shkruan për një rast tjetër që sipas tyre Loredana ishte e përfshirë.
Fotografja shqiptare nga gjermania Dorentina V. i kishte lajmëruar në gusht të vitit 2017-të, Loredana Zefin dhe vëllanë e saj Qëndrimin për mashtrim.
“Loredana dhe vëllai i saj Qëndrimi më kanë mashtruar. Askush s’e njeh Loredanën e vërtetë. ma ka vjedhë kredit kartelën time derisa unë pata kaluar një natë në apartamentin e vëllait të saj me 2 korrik të vitit 2017-të në Kosovë”, kishte thënë ajo për mediumin zviceran.
Thuhet po ashtu se pas kësaj vëllai i Loredanës, Qëndrimi, të cilin Dorentina nuk e ka takuar kurrë ishte bërë pagesa me kartelën e saj madje sipas transaksioneve, Qëndrimi kishte luajtur bixhoz në internet me 6-të Korrik të 2017-tës dhe kishte harxhuar 370 franga.
Në vitin 2018 Qëndrimi u denoncua për mashtrim, kështu duke u detyruar që t’ia kthejë të hollat shoqes së motrës.
Sipas “20minuten”, Loredana dhe Dorentina janë takuar në fillim të vitit 2017 kur ajo e kishte rezervuar si modele për videoklipin e këngëtarit kosovar, Yll Limani./Lajmi.net/
