Atletico Madrid dhe Barcelonës ndanë nga një pikë të shtunën në mbrëmje në “Wanda Metropolitano” në supersfidën e javës s 13 e cila vlente edhe për kreun e klasifikimit. Dy gola në minutat e fundit e bënë akoma më spektakolare këtë sfidë, por ata që festuan më shumë ishin katalanasit që barazuan në të minutën e 90’ me Ousmane Dembele.
Megjithatë, Lionel Messi nuk mund të mungonte me ‘magjinë’ e tij në këtë sfidë. Ai ishte protagonist me disa aksione dhe pasime të shkurtra siç di ai vetë, por në një video të shpërndarë në “Twitter”, ai shihet teksa dhuron spektakël, pasi turpëroi keq Felipe Luis, teksa brazilianit i futi topin mes këmbëve në momentin që sfera akoma nuk ishte ulur në tokë.
