Pas Italisë, Spanjës dhe Gjermanisë, vendi i katërt evropian më i prekur nga COVID-19 është Franca. Autoritetet kanë njoftuar se masat e kufizimit për të frenuar përhapjen e koronavirusit do të zgjaten të paktën deri më 15 prill. Kjo masë do të ndërmerret pasi janë shënuar 2000 viktima dhe më shumë se 33 000 të prekur nga koronavirusi.
Kryeministri francez Édouard Philippe, ka paralajmëruar për zgjatje të afatit të parashikuar më herët.
Ai është shprehur se edhe pas kësaj periudhe, mund të ketë një tjetër shtyrje afati nëse situata shëndetësore e kërkon atë. Ai tha se ‘Jemi vetëm në fillim të valës epidemike. Situata do të jetë e vështirë në ditët e ardhshme”.
Francezët duket se kanë dhënë aprovimin e tyre ndaj urdhrit për të qëndruar në shtëpi, ashtu si rreth një e treta e popullsisë së botës, ndërsa autoritetet janë duke pritur të shohin rezultatet e para.
