Duket se opozita dhe mazhoranca kanë arritur të bien dakord në një çështje: për sigurimin falas të librave të fëmijëve nga klasa e parë në klasën e katërt.
Ishte opozita ajo që kërkoi dhënien e librave falas për nxënësit e fillores, ndërsa qeveria ka miratuar këtë kërkesë.
Por, kryeministri Rama ka njoftuar sot nga Dibra se këta libra do të kthehen sërish pas përfundimit të vitit shkollor.
“Do sigurojmë libra falas për fëmijët nga klasa e parë, deri në të katërtën. Do ketë një mekanizëm, me një kusht që fëmija që merr falas libra, i dorëzon dhe merr të tjerët falas. Kështu është Franca. Nuk ka libra falas, hidhi tek lumi dhe nxirr iphone-in dhe nuk shkon në shkollë, në këtë mënyrë do garantojmë gjithë ato para”, tha Rama.
