Kuvendi i Shqipërisë zhvillon sot dy seanca plenare në një sesion të jashtëzakonshëm të thirrur nga kryeparlamentari Ilir Meta për të votuar kandidatët e institucioneve që do të bëjnë rivlerësimin (Vettingun) kalimtar të gjyqtarëve dhe prokurorëve shqiptarë.
Institucionet e rivlerësimit janë Komisioni i Pavarur i Kualifikimit, Kolegji i Posaçëm i Apelimit dhe Komisionerët Publikë.
Në seancën e parë është parashikuar të miratohet anëtari i ri i Partisë Demokratike në Komisionin ad hoc me 12 anëtarë, i cili do të zëvendësojë deputeten Jorida Tabaku, e larguar për arsye shëndetësore, i cili pritet të jetë Gerti Bogdani.
Përzgjedhja e kandidatëve të këtyre dy organeve bashkë, me kandidatët e përzgjedhur të Kolegjit të Apelimit tre ditë më parë, më pas do t’í kalojnë për votim seancës së dytë plenare, e parashikuar të mbahet në ora 14:00.
Gjithashtu në rend dite është dhe betimi i Avokatit të ri të Popullit, Erinda Ballanca, e zgjedhur nga parlamenti, pak javë më parë, me propozim të opozitës.
