Me 94 vota pro, është miratuar marrëveshja midis qeverisë dhe kompanisë Pfizer, për vaksinat anti-covid që do të vijnë në vendin tonë.
Nga deputetët e tjerët të pranishëm, 5 prej tyre ishin kundër dhe 3 abstenuan. Disa deputetë dhe krerë grupesh parlamentare ishin kundër kësaj marrëveshjeje jo-transparente.
Për deputetin Ralf Gjoni, gjithçka po mbahet e fshehtë dhe duhet transparencë, si me deputetët, me median dhe me qytetarët.
Ndërkohë, deputeti Kujtim Gjuzi akuzoi Ramën se i ka sjellë vaksinat në mënyrë kontrabandë dhe ka frikë të vijë të përballet në Kuvend.
Deputetja Rudina Hajdari ka refuzuar të votojë aktin normativ për miratimin e marrëveshjes së fshehtë të qeverisë shqiptare me kompaninë Pfizer.
