Deputeti i PS-së Erjon Braçe ka kërkuar një minutë heshtje në Kuvend, për të kujtuar viktimat e tragjedisë së Gërdecit.
Theksojmë se Braçe ishte ndër të paktët deputetë që kujtuan në sallën e parlamentit tragjedinë e Gërdecit.
Sapo ka marrë fjalën në foltoren e Kuvendit, deputeti socialit u ka kërkuar kolegëve që ndodheshin në sallën e seancave plenare që të çoheshin në këmbë.
“Në 10-vjetorin e tragjedisë së Gërdecit, ju kërkoj që të mbajmë një minutë heshtje në nderim të tyre, dhe të lutemi që shpirtrat e tyre të prehen në paqe”, tha deputeti Braçe.
Duke aprovuar këtë kërkesë, deputetët kanë mbajtur një minutë heshtje për viktimat e tragjedisë së Gërdecit.
