Gjatë seancës plenare të ditës së sotme është mbajtur një minutë heshtje për Zarife Hasanaj, efektiven e Forcave të Armatosura që humbi jetën dy ditë më parë në Letoni.
Hasanaj, humbi jetën teksa ndodhej me kontingjentin e Forcave të Armatosura, si pjesë e misionit të NATO-s, pasi po përpiqej të çmontonte një minë. Nga shpërthimi mbetën dy plagosur edhe dy efektivë të tjerë.
Ndërkohë, në bazën ushtarake Camp Adazi në Letoni, u mbajt edhe një ceremoni e veçantë në nderim të nëntetares Zarife Hasanaj. Në ceremoni mori pjesë gjithë kontingjenti shqiptar në grup-batalionin e NATO-s në Letoni dhe përfaqësuesi ushtarak shqiptar në NATO.
