Kuvendi i Shqipërisë ka miratuar projektligjin për pakicat kombëtare, i cili u diskutua pas shtyrjes së seancës së djeshme. Projektligj u votua me 117 vota pro, 10 kundër dhe 1 abstenim. Gjithashtu, kundër është shprehur edhe kreu i Partisë Bashkimi i të Drejtave të Njeriut, Vangjel Dule.
Gjatë votimit nen për nen, kryetari i PBDNJ-së, Vangjel Dule ka propozuar disa amendamente, me pretendimin se ky ligj karakterizohet nga mosnjohja e legjislacionit tonë dhe konventave ndërkombëtare.
“Karakterizohet nga fobi dhe reminishenca të Luftës së Ftohtë. Misioni i këtij ligji nuk përmbushet dhe kemi kthim mbrapa në disa nene”, ka thënë Dule. Por në vijim të votimit amendamentet e tij janë rrëzuar.
Më pas, deputetët e Kuvendit kanë miratuar gjithashtu me 116 vota pro, asnjë kundër dhe asnjë abstenim për ngritjen e komisionit të reformës zgjedhore.
