Ministrja e Arsimit dhe Sportit, Evis Kushi, priti në një takim ambasadoren e Bashkimit Evropian Christiane Hohmann. Në qendër të bisedës së këtij takimi mes ministres Kushi dhe ambasadores Hohmann ishte vlerësimi i ecurisë së projekteve të përbashkëta që Shqipëria ka me Bashkimin Evropian.
Postimi i plotë i ministres:
“Kënaqësi të prisja në MAS Ambasadoren e Bashkimit Evropian Christiane Hohmann, me të cilën diskutuam rreth bashkëpunimit dhe projekteve të përbashkëta në fushën e arsimit.
Shpreha mirënjohjen tonë për projektet “EU4Schools”, “EU4InclusiveEducation”, programin ErasmusPlus, si dhe kontributin me vlerë në procesin e ndërkombëtarizimit të universiteteve shqiptare”.
