Njerëzit e kuptuan shumë kohë më parë se jetesa e mbrojtur nga elementët e natyrës, është e preferueshme. Dhe ndërsa shpellat kanë funksionuar për një kohë, ata e kuptuan në një koment se duhej të fillonin ndërtimin e ndërtesave. Shumë prej atyre strukturave të hershme janë zhdukur prej kohësh. Ndërkohë, disa prej tyre vërtetë të lashta janë ende në këmbë. Dhe po flasim për godina që janë ende sot në përdorim, ndonjëherë duke kryer të njëjtin funksion si dikur.
Kulla e Herkulit ndriçon ende rrugën pas mijëra vjetësh
Romakët e ishin shumë të aftë në pushtime, por edhe në ndërtim. Kjo është arsyeja pse Evropa ka mijëra ndërtesa romake që janë ende sot në këmbë. Në Spanjë ekziston ende një far, Kulla e Herkulit, i ndërtuar rreth fundit të shekullit I Pas Krishtit. Në vitet 1700, një restaurim e bëri atë më të fortë nga ana strukturore, si dhe pak më të gjatë.
Tempulli Nançan në Kinë, vërteton se druri mund të rezistojë përgjithmonë, në rast se trajtoni me kujdes
Gurët që rezistojnë për qindra vjet janë një gjë, por druri është diçka tjetër. Në Kinë ndodhet Tempullit Nançan, që mbetet godina më e vjetër prej druri në vend. Një mbishkrim në një tra në tempull thotë se është ndërtuar në vitin 782 Pas Krishtit, në kohën e Dinastisë Tang.
Nga 12 kolonat, 3 mendohet se janë origjinale. Aty ndodhen gjithashtu 17 statuja shumëngjyrëshe në altar, të cilat i përkasin dukshëm dinastisë Tang. Tempulli ka pësuar gjithsesi disa riparime kohë pas kohe.
Kisha e Shën Sofisë, që shkakton ende sot polemika
Kur Stambolli ishte Kostandinopoja, perandori bizantin Justiniani I, vendosi të ndërtonte një kishë të madhe. Ajo përfundoi për 6 vite në vitin 537 Pas Krishtit. Arkitektët ishin vërtet gjenialë, duke krijuar diçka “tërësisht origjinale”, me kolona mermeri dhe një mozaik shumë të bukur, dhe më e famshmja, një tavan të madh me kupolë.
Shën Sofia ka përjetuar shumë ngjarje. Në tërmetin e vitin 558, kupola u shemb pjesërisht 2 herë, dhe plaçkitjet e Kryqtarëve në vitin 1204. Ndërkohë, nuk qëndroi gjithmonë si një kishë. Pas pushtimit të saj nga turqit në vitin 1453, Konstandinopoja u bë Stamboll dhe Shën Sofia u bë një xhami.
Nga vitet 1500, asaj iu shtuan 4 minare. Ajo mbeti një xhami për shekuj, derisa presidenti turk Mustafa Kemal e shndërroi atë në një muze në vitin 1935. Si një vend i rëndësishëm historik, me mozaikë të paçmuar, nuk është për t’u habitur pse UNESCO e klasifikoi atë si një vend të Trashëgimisë Botërore në vitin 1985. Muzeu ishte destinacion turistik më popullor në vend.
Por vitin e shkuar, presidenti turk Rexhep Tajip Erdogan vendosi ta kthejë sërish muzeun në një xhami, me gjithë kundërshtimin e madh ndërkombëtare. Ndërsa turistët mund t`a vizitojnë ende, disa nga mozaikët e krishterë janë të mbuluara, në përputhje me rregullat e besimit islam.
Në fund Panteoni ia doli të mos digjej
Pavarësisht morisë së godinave të ndërtuara nga romakët, Panteoni bie ende shumë në sy. Një nga arsyet kryesore, është fakti se ai është ende në gjendje të mahnitshme prej 1900 vjetësh. Ekspertët e cilësojnë atë godinën më të ruajtur nga çdo ndërtesë antike romake.
E ndërtuar rreth vitit 125 Pas Krishtit, askush nuk është plotësisht i sigurt, se për çfarë është përdorur fillimisht Panteoni.
Sigurisht, ai duket në pamje të parësi një tempull antik romak. Por tempujt u ndërtuan për të nderuar perënditë romake në mënyrë individuale, dhe s’ka të dhëna për një sekt që adhuronte të gjithë perënditë së bashku. Ka një teori, sipas së cilës mund të ketë qenë një vend ku shkonte perandori i rrethuar nga statujat e disa perëndive.
Kisha e Lindjes së Krishtit është ruajtur gati e paprekur
Perandorit Bizantin Justinianit i pëlqenin projektet e tij kryesore, dhe një nga më të dukshmit e tij ishte ndërtimi i Kishës së Lindjes në Betlehem në shekullin VI buzë një shpelle, ku mendohej se lindi Jezusi. Në fillim Perandori Konstandin ndërtoi një kishë në atë vend në vitin 339 Pas Krishtit, dhe Justiniani e zëvendësoi me një tjetër.
Ajo ishte shumë pranë shkatërrimit në vitin 614, pas pushtimit pers. Por ndërsa shkatërruan shumë kisha të tjera, kur pushtuesit vunë re një mozaik të Tre burrave të mençur të veshur me veshje persiane, ata vendosën që ta kursenin atë.
Burimi i lajmit: https://www.grunge.com/327172/the-oldest-buildings-still-in-use-today/
Përshtatur nga TIRANA TODAY
