Gazetari i njohur investigativ Artan Hoxha, ka hedhur ‘shashkën’ e radhës lidhur me detajet sa takon dosjes së 21 janarit. Hoxha shkruan se rihapja e kësaj dosje i jep mundësinë prokurorisë të hetojë personat përgjegjës që penguan hetimet e 21 janarit.
Në të njëjtën kohë, gazetari parashtron pyetjen se kush i fshiu pamjet e serverave të Kryeministrisë? Protesta e opozitës së drejtuar nga Partia Socialiste dhe Edi Rama, në bulevardin “Dëshmorët e Kombit”, u përmbyll me vrasjen e 4 protestuesve.
Aleks Nika, Ziver Veizi, Faik Myrtaj dhe Hekuran Deda u qëlluan nga Garda e Republikës, ndërsa ish-kreu i Gardës, Ndrea Prendi dhe gardisti Agim Llupo u dënuan me 1 dhe 3 vite e pak muaj burg.
Për ngjarjen është akuzuar nga Partia Socialiste ish-kryeministri Sali Berisha si urdhërues. Berisha e quan 21 janarin si një tentativë për grusht shteti, dhe ka deklaruar se Garda duhet të qëllonte. Tashmë, Prokuroria e Tiranës ka rihapur çështjen për vrasjen e Aleks Nikës. Gjykata Europiane e të Drejtave të Njeriut ka hapur një hetim gjyqësor ndaj Shqipërisë, duke pranuar një padi të familjarëve të Aleks Nikës.
Statusi
Rihapja e hetimeve per dosjen e 21 janarit, eshte nje shans i ri per te dhene drejtesi, per nje nga ngjarjet me te renda te postkomunizmit…
Edhe pse kane kaluar me shume se 10-te vite nga kjo ngjarje, e ndodhur ne mes te bulevardit “Deshmoret e Kombit”, perpara qindra kamerave te televizioneve, ende nuk eshte zbardhur e verteta per vrasjen e Aleks Nikes dhe Hekuran Dedes.
Ne gjykimin e pare, gjykata fajesoi me vendime qesharake ish-komandantin e Gardes se Republikes Ndre Prendi, per vrasjen e protestuesit Faik Murto, dhe ish-shefin e shtabit te njesise speciale te Gardes se Republikes Agim Llupo, per vrasjen e protestuesit Ziver Veizi…
Rihapja e dosjes i jep mundesine prokurorise te hetoje edhe personat pergjegjes qe penguan hetimet e 21 janarit?!
Pse dhe kush i fshiu pamjet e serverave te kryeministrise?!
Kush i mori ne mbrojtje ekzekutoret e protestuesve dhe pengoi ekzekutimin e 6 urdher-arresteve te prokurorise?!
Kater te vraret dhe 13 te plagosurit e 21 janarit, nga armet e shtetit, kerkojne drejtesi.
Kjo mundesi duhet shfrytezuar, qe te paprekshmit te mos mbeten perjetesisht te paprekshem….
