Një xhihadist shqiptar është vrarë në zonën e konfliktit në Siri.
Bëhet fjalë për Ron Eminin, djalin 23-vjeçar nga Prishtina, i cili iu bashkua organizatës terroriste ISIS para tre vitesh.
Emini u vra nga Ushtria Arabe Siriane në qytetin e Kabanit në Latakia verilindore.
Lajmi për vrasjen e tij e ka konfirmuar për gazetën Express edhe ministri i Drejtësisë së Kosovës, Abelard Tahiri.
“Po kemi informacion që një person, i cili ishte pjesë e grupit ‘Al-Nusra’, Rron Emini ka vdekur. Deri me tani këto informacione i kemi ne si autoritete të Kosovës”, tha Tahiri.
Institucionet e shtetit në prill kanë sjellë nga Siria 110 shtetas nga Kosova, më mesin e të cilëve edhe katër burra që dyshohet se kanë qenë pjesë e luftës nën flamurin e Shtetit Islamik. Të tjerët ishin fëmijë që kanë njërin prej prindërve me nënshtetësi nga Kosova dhe gra që kanë shkuar atje me burrat e tyre.
