Inceneratorët janë kthyer në debatin kryesor mes partive politike në prag të zgjedhjeve të 25 prillit.
Partia Demokratike ka bërë ditën e sotme në SPAK kallëzim për inceneratorin e Tiranës.
Të paditurit janë, Edi Rama, Arben Ahmetaj, Lefter Koka, Erion Veliaj, Klodian Zoto dhe Mirel Mërtiri.
Ndërkohë, kreu i PD, Lulzim Basha gjatë një bashkëbisedimi me gazetarët në selinë blu, foli sërish për këtë çështje.
Basha tha se ka ardhur koha që dhe në Shqipëri të thuhet se kush është peshku i madh, pasi për këtë çështje në Itali apo në Zimbambve janë arrestuar zyrtarë të lartë.
Basha u shpreh se PD ka gati skemën sesi do të merren mbrapsht paratë që u janë dhënë këtyre skemave máfioze nga buxheti i shtetit.
Lulzim Basha: “Kush fshihet pas kësaj afere? Kush është peshku i madh? Në Zimbabve arrestohet ministri për këtë aferë. Në Shqiperi heshtje totale! Në Verona peshku i madh është ish-kryetari i bashkisë; në Zimbabve, është ministri. Po në Shqipëri? SPAK t’i japë përgjigje kësaj pyetje! Mediave po ju bëhet shantazh për të mos transmetuar denoncimet e kësaj afere!
Sot ndaj me mediat dhe qytetarët rrugët se si do t’i rikuperojë PD paratë e grabitura me skema máfioze. Platforma jonë anti-oligarki dhe anti korruosion do të dënojë fajtorët dhe do t’i rikthejë paratë shqiptarëve. Një ndër ligjet e para që do të miratohet & zbatohet nga qeveria e PD, ligji i ri anti-máfia. Zgjidhjen ne e kemi konceptuar te mekanizmi anti-máfia, që do të bazohet te parimi ku çdo e ardhur e paligjshme do t’i kalojë buxhetit te shtetit”.
https://www.facebook.com/lulzimbasha.al/videos/2741865802744606/
