Protestës së studentëve i janë bashkuar shumë pedagogë, artistë e intelektualë që shprehin solidarizimin dhe mbështetjen e tyre ndaj kësaj kauze mjaft me rëndësi.
Një nga kërkesat më të rëndësishme të studentëve është vettingu i pedagogëve dhe largimi i këtyre të fundit nëse nuk janë të aftë për të dhënë mësim, apo marrin ryshfet nga studentët për t’i kaluar ata në provime.
Luan Myrtaj është pedagogu i parë që ofrohet për t’iu bërë Vettingu.
“Jam në mbështetje të studentëve. Jam për vettingun në arsim. Vettingu le të fillojë me mua”, shkruan Myrtaj në CV-në e tij, deklaratë të cilën edhe e ka firmosur.
