Nikol Malakovski është pilotja e parë amerikane, që 19 vite më parë së bashku me kolegët e saj gjunjëzoi regjimin e Sllobodan Millosheviçit, duke e detyruar atë të tërhiqej nga Kosova.
Malakovski numëroi mbi 200 orë fluturimi, gjatë të cilave ajo bombardoi me avionin e saj luftarak objektiva të ndryshme të ushtrisë serbe në Serbi dhe Kosovë. Me gradën “majore”, pilotja amerikane, është dekoruar me medaljet e çmimet më të larta të Ushtrisë Amerikane si “Meritorious Service Medal”, “Air Medal”, “Air Force Commendation Medal”, “Air Force Achievement Medal”, dhe “4th Fighter Wing”s”.
Medaljen e fundit ajo e ka marrë si vlerësim për kontributin e spikatur gjatë fushatës së bombardimeve ajrore në Kosovë, dhe për mbrojtjen e civilëve gjatë bombardimeve. Ajo u shqua për saktësinë e jashtëzakonshme në goditjen e objekteve ushtarake serbe, edhe nëpër qendra të banuara, ose afër qyteteve ku ndodheshin bazat. Forcat luftarake-ajrore amerikane kanë gjithsej 568 femra pilote. Nga këto vetëm 71 prej tyre drejtojnë avionë luftarakë.