Ku do të ishte njerëzimi, në këtë botë të re dhe të guximshme ku interneti lidh absolutisht gjithçka, pa mausin e famshëm të kompjuterit? Pavarësisht nëse jeni duke përdorur një maus të lirë, një laptop me prekje, apo po luanime një version lojërash të teknologjisë së lartë me shumë funksione të ndryshme, të gjithë ne i kemi një borxh të madh Dagllas Englebart. Ai shpiku mausin e parë në botë në vitin 1968.
Kur kompjuterat ishin në fillimet e tyre, ata ishin tepër të ngadaltë dhe shumë të vështirë për t’u përdorur. Gjatë viteve 1960 u eksperimentuan metoda të ndryshme të funksionimit të tyre, duke përfshirë një pajisje që me sa duket do të ishte montuar në kokat e përdoruesve të kompjuterave.
Ndërsa kjo ide ishte sigurisht novatore, sot duhet të ndihemi me fat që në fund dominoi ideja e Englebart për një metodë kontrolli që përdorte lëvizjet e duarve. Po kush ishte ky njeri? Dagllas Englebart lindi në Portland të shtetit të Oregonit në SHBA në vitin 1925.
Ai shërbeu në Marinën e Shteteve të Bashkuara gjatë Luftës së Dytë Botërore si teknik i radarëve. Në vitin 1948 u diplomua për inxhinieri elektrike, pasuar nga një doktoraturë në të njëjtën fushë 7 vjet më vonë.
Synimi i tij ishte të gjente një mënyrë sesi përdoruesit e kompjuterave të ndanin lehtësisht informacionin dhe në të njëjtën kohë të bashkëpunonin, për të qenë vërtetë të ndërlidhur me njëri-tjetrin. Shpikja e tij e famshme erdhi në kohën kur ai ishte duke punuar në Institutin e Kërkimeve në Universitetin e Stenfordit në Kaliforni.
Para mausit optik, përdoreshin pajisje prej druri në formë rrote
Qendra e tij e Hulumtimeve u përqendrua në dilemën e ofrimit të kompjuterave (të cilët në atë kohë mund të përdoreshin vetëm përmes komandave të veçanta dhe nuk mund të shfaqnin informacione në një ekran siç bëjnë tani) më shumë pajisje, dhe t’i bënin ata të arritshëm edhe për qëllime jo shumë të specializuara.
Siç e tregon Qendra për Historinë e Informatikës, mausi i parë primitiv i Englebart u shpik në vitin 1964. Pajisja ishte tepër e thjeshtë, e përbërë nga një tabelë prej druri dhe një palë rrota. Ai do të ishte paraardhësi i modelit të Bill English, i krijuar në vitin 1972:mausi klasik që do të përdornin përdoruesit e kompjuterave në vitet 1990,dhe që mund ta kujtojnë edhe sot me nostalgji.
Siç raporton“Computer World”, Englebart e prezantoi mausin e tij në një konferencë mbi informatikën në San Francisko në vitin 1968. Shpikja e tij u cilësua aq shumë novatore në përparimin e informatikës në përgjithësi, saqë ky zbulim u bë i njohur si Nëna e Të Gjitha Shpikjeve.
Burimi i lajmit: https://www.grunge.com/444483/the-truth-about-the-invention-of-the-computer-mouse
Përshtatur nga TIRANA TODAY
